०९)
संझनामा हरदम आयौ सपनीमा डाकेँ ।
भागीजान्छौ भनी तिमी परेलीले ढाकेँ ।
छाती भित्र राखेँ अनि दिएँ मुटु पनि,
सातै जुनि साथै काट्न देउराली भाकेँ ।

१०)
नदिनु थ्यो माया मैले नजानेर दिएँ ।
च्यात्यो छाती बैगुनीले बहपोख्दै सिएँ ।
झुट्टोमाया दिई स्वार्थलुट्ने रैछ बाँनी,
अतीतले सताउँदा आँशु झारी पिएँ ।

११)
देशको मुहार हेर्न यौटा ऐना खोज्दै छु म ।
खोली किनार हेर्न यौटा ऐना खोज्दै छु म ।
आफ्नै मुटुभित्र देशको नक्शा छ कि छैन,
दिलको दिवार हेर्न यौटा ऐना खोज्दै छु म ।

रचना समय:-१२ मे २०१०