स्वर तथा सँगीत: दिनेश सुब्बा



आफूरित्तिएर पनि तिम्रै अभाव सुल्झाइरहेँ
तिमीलाई खुसी दिनु यो मनलाई कजाइरहेँ

बिहानीको उषाकिरण तिमीलाई दाइजो दिएँ
हुरीझरी बादल जति आफ्नो निम्ति साँचेँ

गोधुली साँझ अनि चाँदनी रात तिमीलाई
सुनसान अन्धकार औँसीको रात मलाई ।

बिहिबार २५ सेप्टेम्बर ०८

संगीत:-दिनेश सुब्बा

मधुमास यो यौवनको बेरङ्गीन उजाड भो
आशा र अभिलासा यौवनको अधुरो रहिरह्यो

इच्छा अनि अकांक्षा भित्र मनमा रै रह्यो
हाँसो र खुशी सबै यो आँशुबनी बगी नै रह्यो
सुन्दर संसार यौवनको परिकल्पना मात्र भो
आशा र अभिलासा .................

प्रीतको मुना हुरीले टाढा कतै उडायो
छोपि­­रहें यो छाती तर मुटु कसरी चुँड्यो
टुक्रियो सपना यौवनको यो मनमा उदास भो
आशा र अभिलासा .................

रचना समय:- २२÷०४÷०८

गीत–२
संगीत:- दिनेश सुब्बा, स्वर:- सुशीला थुलुङ्ग



अजम्बरी माया तिमीलाई दिइरहुँ लाग्छ ।
तिम्रै वरीपरी हरपल बसीरहुँ लाग्छ ।

आँखा भरी छौ तिमी भावनामा तिमी
मेरो हर धड्कनमा बहीदिन्छौ तिमी
उषाको त्यो किरणसँगै तिमीलाई देखँ लाग्छ
तिम्रै बहुपासमा हरपल बसीरहुँ लाग्छ ।
अजम्बरी माँयाँ .............

साथै काटौं यो जुनी अर्को जुनी पनि
तिमी जस्तो साथी पाउनु सारै भाग्यमानी
गोधुलीको साँझ्मा पनि तिमीलाई भेटुँ लाग्छ
तिम्रै वरीपरी हरपल बसीरहुँ लाग्छ ।
अजम्बरी माँया .............

रचना समयः– २२ ÷०४÷ ००८

गीत- १

छाती भित्र तिमीलाई खोज्छु बिरानीमा
बस्या रैछ माया कैले तिमी इमानीमा ।

कति मीठा शब्द वोल्थ्यो तिमी मुस्काउँदै
सर्माउँथ्यौ घरी चन्द्र मुहार लुकाउँदै
खोजिहिँडे कराउँदै खोली किनारीमा
पीर ब्यथा पोख्ने कोही छैन चिनारीमा ।

आउँछ सुबास मगमग मन्द बतासमा
छौ कि कतै फैलिएको खुल्ला आकाशमा
मालती झै फुल्यौ होला घर आगनीमा
हेर्ने गर्छु  तिम्रो तस्बीर राखि सिरानीमा ।
    
रचना काल:- २२÷०४÷००८